«Эбботт» — фармацевтикалық бизнесі толығымен дамушы нарықтарға бағытталған денсаулық сақтау саласында жұмыс істейтін жалғыз халықаралық компания. Біз 95 елде қызмет атқара отырып, ең қажетті жерлерде сенімді медициналық көмек көрсетеміз. Өмірді өзгертетін технологияларымыз бен өнімдеріміздің арқасында адамдарға неғұрлым салауатты өмір сүруге көмектесеміз.

Кәдімгі бас ауруы немесе тым ауыр дерт болса да, адамдардың тез сауығып, өздеріне ұнайтын нәрселермен қайта айналыса алғанын қалаймыз.

Соңғы 135 жыл бойы біз жоғары сапалы медициналық қызметтерді көрсетіп келеміз және болашақта осыны жалғастыруға ниет етеміз.

«Эбботт» компаниясында біз денсаулық сақтау саласындағы ең жақсы шешімдер — оларға аса мұқтаж адамдарды қамтитындар деп санаймыз. Фармацевтикалық бизнесіміз экономикасы дамушы елдерге бағытталғандықтан, ең маңызды жерлерде денсаулық жағдайының көрсеткіштерін жақсарту арқылы жоғары сапалы терапияларды қолжетімдірек етуге тырысамыз.

Өсіп келе жатқан биоаналогтар портфеліміз онкология, иммунология және әйелдер денсаулығы сияқты салаларда өмірді өзгертетін биологиялық дәрілік препараттарды қолдану мүмкіндігін кеңейтуге көмектеседі. Бұл портфель соңғы медициналық инновацияларды көбірек адамға ұсынып, олардың неғұрлым салауатты әрі толыққанды өмір сүруіне мүмкіндік береді.